ОХУ олон улсын нислэгийг бүрэн сэргээх хувилбарыг хэлэлцэж байна

ОХУ 8 дугаар сарын 11-нээс эхлэн олон улсын нислэгээ бүрэн сэргээх асуудлыг хэлэлцэж байгаа хэдий ч эцсийн шийдвэрийг хараахан гаргаагүй байна.           
Эх сурвалжийн мэдээлснээр, ОХУ-ын Шадар сайд Татьяна Голиковагийн хийсэн зөвлөгөөний үеэр энэ асуудлыг хөнджээ. Өнөөдрөөс эхлэн ОХУ олон улсын нислэгээ хэсэгчлэн сэргээж байна. Тодруулбал, Их Британи, Турк, Танзани гэсэн 3 улстай хийдэг нислэгээ сэргээсэн байна.       
Их Британи, Турк, Танзанитай хийдэг олон улсын нислэгээ сэргээх талаар Татьяна Голикова тайлбар өгөхдөө, нислэгүүдийг харилцан алхам авах нөхцөл дээр сэргээнэ. "Европын холбоо 7 дугаар сарын 1-нээс хилээ нээх үйл явцыг албан ёсоор эхлүүлсэн. 14 улсаас бүрдсэн эхний жагсаалтыг ЕХ-ны Зөвлөл 6 дугаар сарын 30-нд зөвшилцсөн бөгөөд ОХУ энэ жагсаалтад багтаагүй" хэмээн тэрбээр мэдэгдсэн байна. Шинэчилсэн “цагаан жагсаалт”-ыг ЕХ ойрын өдрүүдэд гаргах аж.    
Эх сурвалж :  "Монцамэ" агентлаг 

  • Шинэ
  • Их уншсан