“BTS” хамтлагийн гишүүн J-Hope 100 сая вон хандивлалаа

Солонгосын “K-pop” урлагийн хамгийн алдартай хамтлаг “BTS”-ийн гишүүн J-Hope “Ковид-19”-ийн энэ хүнд үед ядуу хүүхдүүдэд туслах зорилгоор “Солонгосын Хүүхдийн  сан” ашгийн бус байгууллагад 100 сая вон хандивлалаа. Тэрээр “Энэ хандивын мөнгө цар тахлын улмаас эдийн засгийн хүнд байдалд орсон эмзэг бүлгийн хүүхдүүдэд хүрч, дэм болж чадна гэдэгт итгэлтэй байна” гэж ярьжээ.

Энэ нь түүний хүүхдүүдэд өгч байгаа анхны  хандив  биш. Тэрээр 2018 онд өвчтэй хүүхдүүдэд 150 сая вон,  өнгөрсөн онд бага орлоготой өрхийн сургуулийн насны хүүхдүүдэд 100 сая вонын хичээлийн хэрэглэгдэхүүн, мөн өвчтэй хүүхдүүдэд 100 сая вон  хандивлаж байсан.  Түүнчлэн өнгөрсөн хоёрдугаар сард түүнийг "Green Noble Club" сан 100 сая воноос дээш хандив өгсөн гишүүнээр зарласан. Тус хамтлагийн "Dynamite" цомог энэ сарын 21-нд сонсогчдод хүрнэ. Мөн аравдугаар сарын 10-12-нд онлайн тоглолтоо хийнэ.

Эх сурвалж:Korea Times

  • Шинэ
  • Их уншсан