С. Энхболд: Хувийн хэвшлүүд вакцин оруулж ирэхэд татгалзах зүйлгүй хамтран ажиллана

ДЭМБ-ын Монгол дахь суурин төлөөлөгч Сергей Диордица "Дэлхийн улс орнуудад вакцин хөгжүүлэлтийг хийж байна. Вакциныг үндсэн хоёр чиглэлээр оруулж ирж байна. Нэгдүгээрт КОВАКС хөтөлбөрийн хүрээнд авч байна. Цаашид КОВАКС болон тусламжаас гадна бусад арга зам буюу хоёр орны хамтын ажиллагааны гэрээгээр дараа дараагийн вакциныг оруулж ирэхээр болж байна. ДЭМБ-ын зөвлөж буй зөвлөмжөөр чанарын шаардлага хангасан, хүртээмжтэй вакциныг татан авахад анхаарах нь зүйтэй. Маргааш бол маш чухал өдөр. Сүүлийн зургаан сарын хугацаанд ЗГ, ЭМЯ, ХӨСҮТ хамтран бэлтгэсний үр дүнд вакцинжуулалтыг эхлүүлж байна" гэлээ.

Эрүүл мэндийн сайд С.Энхболд "Манай улс эхний ээлжинд АстрЗенека, Файзер, урд хойд хөршийнхөө вакциныг авахаар болсон. Эхний ээлжийн вакцинууд орж ирсэн. Засгийн газраас 226 тэрбум төгрөгийг вакцинжуулалтад зарцуулахаар болсон. Маргааш өглөөнөөс төр болон хувийн эмнэлгийн эмч, ажилтнуудад вакциныг хийж эхэлнэ. АстраЗенека вакциныг дэлхий нийтэд 42 улс хэрэглэж байна. Нийт 230 вакцин туршиж байгаагаас 62 нь эмнэлзүйн туршилтад орсон. Вакцинжуулалт сайн дурын үндсэн дээр хийгддэг" гэлээ.

Хувийн хэвшлийн тухайд хамтран ажиллана. Хувийн хэвшил вакцин оруулж ирэхэд татгалзах зүйлгүй. Хамтран ажиллана. Улс хүн амын 60 хувийг вакцинжуулах төсөв, мөнгөө гаргасан.

  • Шинэ
  • Их уншсан