Өмнөговь аймгаас хоёр Хөдөлмөрийн баатар тодорлоо

Өмнийн говийн ажилсаг, бүтээлч ард олныг “Их говийн баатрууд” хэмээдэг. Салбар бүрт нэрээ дуурсгаж, гавьяагаа мөнхөлсөн хүмүүс тус аймгаас тодорсон нь олон. Ардын хувьсгалын 100 жил, Өмнөговь аймаг байгуулагдсаны 90 жилийн ойн босгон дээр Монгол Улсын Ерөнхийлөгчийн зарлигаар Дэмчигийн Бараадууз, Жаалдүүгийн Тогтохсүрэн нарыг Монгол Улсын Хөдөлмөрийн баатар цолоор шагналаа.

Д.Бараадуузийн хувьд, Монгол орны говь хээрийн бүсийг ойжуулан цөлжилттэй тэмцэх үйлст манлайлан оролцож, Өмнөговь, Дундговь, Дорноговь аймагт олон зуун мянган мод тарьж байгаль орчноо хамгаалж яваа бол Ханбогд сумын малчин Ж.Тогтохсүрэн ховордож байгаа тэмээн сүргийг өсгөн үржүүлэх, удмын санг нь хадгалж хамгаалах, хойч үедээ малч ухааныг өвлүүлэн үлдээхэд үнэтэй хувь нэмэр оруулж байгаа юм. Өмнөговь аймгийн ИТХ, ЗДТГ-аас 28 жилийн дараа төрөн гарсан Хөдөлмөрийн баатрууддаа хүндэтгэл үзүүлж, төр засгийн нэр хүндтэй шагналыг шинэ байраар мялаах болсноо дуулгалаа.    

    

  • Шинэ
  • Их уншсан