Уламжлалт анагаах ухааны салбарын өнөөгийн байдал, хэтийн төлөв: “Асуудал, Шийдэл” сэдэвт зөвлөгөөн боллоо

Уламжлалт анагаах ухааны салбарын өнөөгийн байдал, хэтийн төлөв: “асуудал, шийдэл” сэдэвт улсын хэмжээний  зөвлөгөөн боллоо. Зөвлөгөөнд  Эрүүл мэндийн сайд С.Энхболд, Боловсрол шинжлэх ухааны сайд Л.Энх-Амгалан нар оролцлоо. Мөн ДЭМБ-ын Монгол дахь суурин төлөөлөгч Сергей Диордица, Монгол Улсаас Польш Улсад суугаа Онц бөгөөд Бүрэн Эрхт Элчин сайд Б.Дорж нар цахимаар мэндчилгээ дэвшүүлэв.

Уламжлалт анагаах ухааны төр ба хувийн хэвшлийн салбарынхан энэхүү зөвлөгөөний үйл ажиллагаанд гар бие оролцож, уламжлалт анагаах ухааны цаашдын бодлогын зорилт, хөтөлбөр, зохион байгуулсан чуулган  шийдвэрийн хэрэгжилтэд дүн шинжилгээ хийн, салбарын тулгамдсан асуудлыг тодорхойлон, шийдвэрлэх гарцыг хэлэлцэн илтгэл, мэдээлэл тавьж оролцож байна.
Уг зөвлөгөөнөөс гарсан нэгдсэн зөвлөмжийн дагуу бодлогын хэмжээнд салбар хооронд хамтарч авч хэрэгжүүлэх  үйл ажиллагааны талаар  ярилцана.
Ялангуяа уламжлалт анагаах ухааны салбарын хүний нөөцийн хөгжил болон эмийн чанар аюулгүй байдалд онцгойлон анхаарч ажиллахаар зөвлөлдөж байна.

Энэхүү үйл ажиллагааг санаачлан хамтран зохион байгуулж буй Боловсрол шинжлэх ухааны яам, Байгаль, орчин аялал жуулчлалын яам, Хүнс хөдөө аж ахуйн яам, бусад мэргэжлийн агентлаг, эрдэм шинжилгээний байгууллага, Дэлхийн эрүүл мэндийн байгууллагын хамт олонд талархал илэрхийлье.

  • Шинэ
  • Их уншсан