Д.Сумъяабазар аа, түгжрэлийг бууруулах 400 гаруй тэрбумын өртөгтэй ажлыг улсын нууцад оруулсан чинь үнэн үү

Төрийн ордноос саяхан нэгэн нууц задарсан. Зарим эх сурвалжийн мэдээлснээр, дахиад л хотын мэр Д.Сумъяабазарын лобби! Тодруулбал, замын түгжрэлийг бууруулах 400 гаруй тэрбумын бүтээн байгуулалтын ажлыг улсын нууцад 20 жилийн хугацаатай оруулсан тухай юм. Үүнтэй холбоотойгоор “Татвар төлөгчдийн 400 гаруй тэрбум төгрөгөөр хэрэгжүүлэх нийслэлийн автозамын түгжрэлийг бууруулах цогц ажлын тухай мэдээллийг Төрийн болон албаны нууцын тухай хуулийн аравдугаар зүйлийн 10.1.5-д заасныг үндэслэн Засгийн газрын тогтоолоор маш нууцын зэрэглэлд оруулах саналыг хотын удирдлагуудаас ХЗДХЯ-аар дамжуулан гаргасныг Засгийн газрын хуралдаанаар дэмжсэн гэв үү” гэдэг асуултыг Төрийн ордныхон нэг нэгнээсээ гайхангуй асуух болсон аж. Төрийн ордон хийгээд олон нийтийн сүлжээнд нэгэнт ил болсон асуудлын уг учиг хотын мэр Д.Сумъяабазар руу чиглэнэ. Ikon.mn сайтад 2021 оны зургадугаар сарын 21-нд нийтлэгдсэн ярилцлагадаа тэрбээр “Хотод өрнөх шинэ бүтээн байгуулалт, түгжрэлийг бууруулах хөтөлбөрийг бүхэлд нь ҮАБЗ-өөр хэлэлцэж, улсын нууцад оруулаач” гэдэг хүсэлт” гэж ярьжээ. Харин сэтгүүлч түүнээс “Түмний нүдэн дээр баригдах бүтээн байгуулалтын ажлын тухай мэдээллийг яаж олны нүднээс нууна гэж” хэмээн асуухад “За, юу гэж бүтээн байгуулалтыг нуух вэ дээ. Стратеги төлөвлөгөө, санхүүжилт босгох арга зам зэрэг процессийг улсын нууцад оруулж хэлэлцэх асуудлыг л ярьж байна шүү дээ” гэж хариулсан байгаа юм. Их но-той хариулт байгаа биз. Энэ ярилцлагаас хойш яг нэг жилийн дараа дээрх ноцтой асуудал эрхэм гишүүн Б.Энхбаяр, Увс нутгийн иргэн С.Анхбаяр хоёрыг ч сошиалд би, чи-дээ тулахад хүргэлээ. Учир мэдэх хүмүүс энэ талаар “Түгжрэлийг бууруулахтай холбоотой асан өндөр өртөг бүхий бүтээн байгуулалтыг маш нууц нэрийн дор тендергүй сонгон шалгаруулах, шууд гэрээлэх байдлаар гүйцэтгүүлэх, ингэхдээ улсын нууцад  20 жилийн хугацаатай байлгах саналыг ХЗДХЯ болон хотын удирдлагуудаас гаргасан гэх мэдээлэл бийгэцгээж байна. Сошиалд ил болсон мэдээлэлд “...УИХ-аас баталсан хөгжлийн төсөлд тусгагдсан томоохон бүтээн байгуулалт болон нийслэлийн нийтийн тээврийн шинэчлэл, зам, тээврийн удирдлагын цахим хяналт, мэдээллийн системийг шинэчлэх, түүнд оролцуулах зэвсэгт хүчний бие бүрэлдэхүүн, техник хэрэгслийн тоо хэмжээ болон ус хангамжийн эх үүсвэр, худалдан авах үйл ажиллагааны нууцалбал зохих хэсэг...” гэж дурдсан нь анхаарал татна. Ажиглагчид үүнийг “Автозамыг шинэчлэх ажилд зэвсэгт хүчнийхнийг дайчлах шаардлагагүй. Ус хангамжийн нөөц ч тийм тулгамдсан асуудал биш. Зам, тээврийн удирдлагын цахим хяналт, мэдээллийн системийг нууцалж болох ч үүгээр далимдуулж хэл ам болоод байгаа LRT төслийг дур мэдэн хэрэгжүүлэх, Монгол Улс гадаад өрөө төлж дийлэхгүйд хүрчихээд байхад гаднаас дахиж зээл авах, улсын нууцад 20 жил байлгах, гадаадын хөрөнгө оруулалттай компанитай шууд гэрээ байгуулан ажил гүйцэтгүүлэх шаардлагатай юу. Үүнээс болж үндэсний аюулгүй байдалд хор хохирол учирвал хэн хариуцах вэ” хэмээн бухимдаж байна. Харин зарим эх сурвалжийн мэдээлснээр, Засгийн газрын хуралдаанаар дээрх асуудлыг хэлэлцэх үеэр ТЕГ-ынхан “Замын түгжрэлийг бууруулахтай холбоотой асуудлыг улсын нууцад оруулах шаардлагагүй” гэж дургүйцсэн гэх. Харин хотын мэр Д.Сумъяабазар энэ тухайгаа Монголын ард түмэнд тайлбарлачих хэрэгтэй байна даа. “Банкныхаа өрийг удахгүй дарна. Яагаад гэвэл, би Д.Сумъяабазар” гэж өнгөрсөн өвөл томордог шигээ!

Д.Гал  

 

 

  • Шинэ
  • Их уншсан