"Онцгой нөхцөл байдлын үеэр хүн бүрд хүрэх цогц арга хэмжээ авах нь чухал"

G20-ийн дээд хэмжээний 17 дахь уулзалтын дагалдах арга хэмжээнд Хөдөлмөр, нийгмийн хамгааллын яамны Нийгмийн даатгалын бодлого зохицуулалтын газрын дарга Б.Батжаргал Ковидын үеэр Монгол Улсад хэрэгжүүлсэн сайн туршлага, шинэлэг ажлуудын талаар танилцууллаа. Айл өрх, ард иргэдийн амьжиргааг хамгаалахын тулд нийгмийн халамж, хамгаалал, даатгалын хариу арга хэмжээний тэнцвэртэй байдлыг ханган цогц арга хэмжээ авах нь нэн чухал гэдгийг тэрээр онцоллоо. Нийгмийн үйлчилгээг тогтвортой явуулах, ялангуяа эмзэг бүлэгт хүрч ажиллахад цахим шилжилт зайлшгүй шаардлагатай гэжээ.

Тус арга хэмжээг Европын Холбоо, Дэлхийн банк байгууллагуудын дэмжлэгтэйгээр НҮБ-ын Хүүхдийн Сан хамтран зохион байгуулав.

 

  • Шинэ
  • Их уншсан