Чиний л төлөө би...

Чиний л төлөө би...

Чамд л дурлах гэж сэтгэлээ зөнд нь орхисон
Чамайг л хайрлах гэж өөрийгөө гаргуунд гаргасан
Чи л ганцхан намайг хайрын дарсанд согтоосон
Чиний л төлөө би амьдралд золиос болсон

Чамд л зорилж би шүлгийн мөр хэлхсэн
Чамайг л аргадах гэж бурууг өөртөө тохсон
Чи л ганцхан миний амь амьдрал байсан
Чиний л төлөө би хэн байснаа ч умартсан

Чамд л таалагдах гэж бүхнээ би өөрчилсөн
Чамайг л гомдоохгүй гэж бусдыг мартаж явсан
Чи л ганцхан миний аргыг барж зовоосон
Чиний л аясыг дагаж орчлонд би гундсан

Чамайг хайрлахгүй гэдгийг мэдэж байсан ч
Чиний зүрх сэтгэлд багтаагүй ч гэсэн
Чамд л ганцхан бие сэтгэлээ өгсөн
Чиний л төлөө би өнөөг хүртэл амьдарсан

ЧИНИЙ ТУХАЙ ЯРИАГ СОНСООГҮЙ ЮМ ШИГ ӨНГӨРӨӨЖ
ЧИМЭЭГҮЙ УРСАХ НУЛИМСАА БУСДААС НУУЖ УЙЛДАГ АА!
ЧИН ҮНЭНДЭЭ БИ МИНИЙ ТӨЛӨӨ АМЬДРААГҮЙ Ч
ЧАМАЙГ ХАЯН ХАЯТАЛ БИ ГАНЦХАН ЧИНИЙХ ЭЭ...

УБ хот. 1998 он. М.Эрдэнэчимэг

  • Шинэ
  • Их уншсан