Шулганаж цонх нь дээр чинь бүжиглэмээр
Бороон дуслаар дурлал сүлжээд
Бодол дотор чинь өдөржин шивэрмээр
Бүүдгэр хирнээ тогтуун тэнгэрт
Бүтэн сар төөрч хоносон
Бүлээн хацарт чинь өдөржин зүүгдээд
Биеээс чинь саламгүй, бас холдомгүй
Бийр будаг шиг өдөр вэ...

Дарстай хундаганд уруул хүрмээр
Дагаад жаахан гадуур зугаалмаар
Даварч эрхлээд оронд чинь ормоор
Даль жигүүр зүрхнээс ургасан
Дарьтай галтай өдөр вэ...

Нар хээр хоносон
Намайг санаад чи замын унаанд дайгдсан
Насан багын дурлал сэтгэл хөглөн сэргээх
Намар оройн болзоо дурсамж өндийлгөн ирэх
Хаалга утсаа чагнасан хөлийн чимээтэй өдөр вэ...
Хаагуур явааг чинь мэдэхээр шүхрээ шүүрч гадаалсан
Хаврын салхи шиг гэгэлзүүр
Зуны цэцэг шиг өдөр вэ...

2016.04.30

Х.ДУЛАМСҮРЭН