Н.Төгсцогт: Тулалдах ёстой л хүмүүс юм байна


Олимп, ДАШТ-ий мөнгөн медальт, Монгол Улсын гавьяат тамирчин Н.Төгсцогтын мэргэжлийн боксын дэвжээн дэх ээлжит тулааны тов гарсан бололтой. Түүний энэ удаагийн өрсөлдөгч нь Пуэрто Рико улсын “DYNAMITE” хочит Р.Васкес юм. Тэдний хоорондоо өнгөрсөн гуравдугаар сарын 15-нд тоглох тов анх гарсан ч Р.Васкес тэмцээнийг хойшлуулах санал гаргасан юм. Ингэснээр тэдний тулаан түр хойшилсон юм. Харин энэ талаар  Н.Төгсцогт гавьяат өөрийн цахим хуудаснаа  “Тулалдах ёстой л хүмүүс юм байна. Тун удахгүй” бичжээ. Үүнээс харахад Н.Төгсцогт гавьяат тун удахгүй ээлжит тулаанаа хийх бололтой.  Дашрамд дурдахад, түүний өрсөлдөгч Р.Васкес нийт 18 тулаан хийхдээ ердөө хоёрхон удаа ялагдсан байдаг аж.

С.ЭНХ

  • Шинэ
  • Их уншсан