“Алтан бөмбөг” ёслол болно


Монголын хөлбөмбөгийн холбооны “Алтан бөмбөг” оны шилдэг тамирчдыг шалгаруулах ёслол ирэх сарын 12-нд болно. Монголын
шилдэг хөлбөмбөгчин тодруулах энэхүү шалгаруулалтад 23 тамирчны нэрийг дэвшүүлжээ. Ингэхдээ Монголын хөлбөмбөгийн холбооны Техникийн хэлтсийн мэргэжилтнүүд статистик үзүүлэлт болон улирлын амжилтаар нь дүгнэн, тодруулан дэвшүүлсэн байна. Хөлбөмбөгийн хөгжилд хувь нэмрээ оруулж буй легионер тоглогчид анх удаа нэр дэвшиж байгаа нь энэ удаагийн шалгаруулалтын гол онцлог болжээ. Шилдгүүдийг “Хүрхрээ” дээд лигийн багийн дасгалжуулагч, ахлагч, спортын сэтгүүлчдийн санал асуулгаар тодруулах юм байна.

  • Шинэ
  • Их уншсан