Н.Төгсцогт долоо дахь тулаанаа ялалтаар өндөрлүүллээ


Монгол Улсын гавьяат тамирчин, боксчин Н.Төгсцогт мэргэжлийн боксын долоо дахь тулаанаа АНУ-ын Калифорни мужийн Коста Меса хотын “Orange Сounty Fair” цогцолборт хийлээ. Өмнө нь зургаан тулаан хийж өрсөлдөгчдөө нокаутаар ялаад байсан Н.Төгсцогт энэ удаа ч техникийн илт давуугаар тоглолтоо өндөрлүүлэв. Нэгдүгээр үед хоёр тулаанч бие биенээ туршиж тоглосон бол удаахь үед Н.Төгсцогт тулаанаа бүрэн мэдэрч илт давамгай тоглосон юм. Мексикийн боксчин Герман Мераз эхний хоёр үед дажгүй тоглосон. Гуравдугаар үед өрсөлдөгчөө хоёр ч удаа тоолуулж илэрхий давамгайлж эхэлсэн Н.Төгсцогт 4,5 дугаар үед довтолж өрсөлдөгчийнхөө хүчийг бүрэн шавхсан юм. Зургаадугаар үеийн хонх цохисон ч Герман Меразын дасгалжуулагч татгалзсанаар техникийн нокуатаар манай тамирчин ялсан байна.

Эх сурвалж: МОНГОЛЫН ҮНЭН СОНИН

  • Шинэ
  • Их уншсан