“Царцаа Намжил”, “Парисын дарь эхийн сүм” жүжгийг дахин амилуулна

 УДЭТ-ын уран бүтээлчид БСШУСЯ-ны “Хүүхдэд зориулсан уран бүтээл”-ийн төслийн уралдаанд шалгарсан зохиолч Я.Баяраа, Б.Хишигзаяа нарын “Царцаа Намжил” хүүхдийн жүжгийг энэ сарын 31-нээс ирэх сарын 1 хүртэл тайзнаа толилуулахаар болжээ. Энэ жүжгийн ерөнхий найруулагчаар соёлын тэргүүний ажилтан Б.Хишигзаяа, туслах найруулагчаар М.Батбилэг нар ажиллаж байгаа аж. Мөн энэ жүжигтэй хамтатган тус театрын уран бүтээлчид алдарт зохиолч Виктор Хюгогийн “Парисын дарь эхийн сүм” жүжгийг нийслэлчүүддээ хүргэхээр бэлтгэл ажилдаа орсон байна. Агуу үнэнч хайр дурлалын мөнхийн дуулал болсон уг жүжгийн найруулагчаар Төрийн соёрхолт Н.Наранбаатар ажиллаж, гол дүрд соёлын тэргүүний ажилтан С.Болд-Эрдэнэ, Н.Баярмаа нар тоглох юм. Энэхүү жүжгийн тасалбарын үнэ суудлын зэрэглэлээс хамаарч 10-35 мянган төгрөг байх юм.

  • Шинэ
  • Их уншсан