Ц.Батчулуун “Дэлхийн цом”-д өрсөлдөнө


БНХАУ-ын Чэнду хотноо болсон шатрын насанд хүрэгчдийн Азийн аварга шалгаруулах тэмцээнд манай их мастер Ц.Батчулуун шагналт V байр эзэлж, “Дэлхийн цом”-д өрсөлдөх эрхтэй боллоо. Ийнхүү Монгол Улсаас анх удаа эрэгтэй тамирчин “Дэлхийн цом”-д өрсөлдөхөөр болсон нь энэ юм. Өмнө нь эмэгтэй шатарчдаас их мастер Б.Мөнгөнтуул “Дэлхийн цом”-д хоёр удаа өрсөлдөж байв. Азийн аварга шалгаруулах тэмцээнд 16 орны 119 тамирчин хоёр ангилалд өрсөлдсөн. Манай улсаас их мастер Ц.Батчулуун, Б.Гүндаваа, олон улсын мастер С.Билгүүн, эмэгтэй их мастер, гавьяат тамирчин Б.Мөнгөнтуул, олон улсын мастер Ү.Үүрийнтуяа, Б.Ану нар өрсөлджээ.

  • Шинэ
  • Их уншсан