"Дэлхийн аз жаргалын индекс”-ийг Финланд тэргүүлэв

       “Хамгийн аз жаргалтай орнуудын жагсаалт”-ыг Финланд улс тэргүүллээ. Ингэснээр жагсаалтыг 12 жилийн турш тэргүүлсэн Норвеги улс удаалсан байна. Монгол Улсын хувьд “Дэлхийн аз жаргалын индекс”-ийн жагсаалтад 2016 оноос зургаан байраар ахиж, 156 орноос 94 дүгээрт бичигджээ. “Аз жаргалын жагсаалт”-ыг 2010 оноос хойш Скандинавийн орнууд тэргүүлсээр ирсэн аж. Финланд нь газар нутгийн хувьд Европын найм дахь том орон, Европын Холбооны хамгийн нягтаршил багатай улс юм. "Sustainable Development Solutions Network" cудалгааны байгууллагаас жил бүр танилцуулдаг “Аз жаргалын индекс”-ийг жил бүр 160 гаруй улсын 1000 орчим хүнээс энгийн асуулт асууж, 0-10 хүртэлх оноогоор дүгнэн гаргадаг. Үүнээс гадна дээрх жагсаалтыг гаргахдаа тухайн улсын нэг хүнд ногдох дотоодын нийт бүтээгдэхүүн, эрүүл төрөлт, наслалт, амьдрах орчноо сонгох эрх чөлөө, өгөөмөр байдал, авлигын үзүүлэлт зэрэг хүчин зүйлсийг авч үздэг байна.


  • Шинэ
  • Их уншсан