Тусгаарлалтын журам аюулгүй ажиллагааг дээшлүүлж байна

     “Эрдэнэт үйлдвэр” ТӨҮГ-ын Дулааны цахилгаан станцын Хөдөлмөрийн аюулгүй байдал, эрүүл ахуйн алба ажлын байранд дулаан механикийн тоноглолд тусгаарлалтын журам  нэвтрүүлжээ. Тоног төхөөрөмжид үзлэг, үйлчилгээ хийх, засвар угсралт, туршилт, тохируулгын ажил гүйцэтгэхэд бүх төрлийн аюултай эх үүсвэрийг тусгаарлах юм. Өндөр даралттай халуун уур, халуун болон хүйтэн усны шугам хоолойн хаалт хавхалга зэргийг хааж гинжилж цоожилсноор ажилтны амь нас эрүүл мэндэд хохирол учруулахаас урьдчилан сэргийлж байна.
     Тус станцын Хөдөлмөрийн аюулгүй байдал, эрүүл ахуйн алба цахилгаан тоног төхөөрөмж, тэдгээрийн удирдлагын самбар, хүчдэлийн хуваарилах байгууламж гэх мэт цахилгаан эрчим хүчний аюултай эх үүсвэрийг тусгаарлах ажлыг шат дараатай зохион байгуулахаар төлөвлөжээ.

А.Бямбамаа

 

  • Шинэ
  • Их уншсан