О.Магнай: Иргэн бүрт 1 сая 242 мянган төгрөг олгохыг шаардаж байна

АН-ын нарийн бичгийн дарга О.Магнай мэдээлэл хийлээ. Тэрээр Монгол Улсын Ерөнхий с айд У.Хүрэлсүхэд шаардлага хүргүүлж байгаагаа дуулгалаа.

У.Хүрэлсүх танаа, иргэн бүрт 1.242.721 төгрөг олгохыг шаардах тухай:

Иргэн бүрт коронавирусийн халдварын тархалттай холбоотойгоор бүх дэлхийг хамарсан эдийн засаг хямраад байна. Манай улсын хувьд нэгдүгээр сараас эхэлсэн хөл хориог таван сарыг хүртэл сунгаад байна. Хөл хориг сунгахын хэрээр эдийн засаг хумигдаж, ажилгүйдэл нэмэгдэж үйлдвэрлэл үйлчилгээний салбар дампуурах бодитой эрсдэл үүсээд байна. Цаашдаа цаг алдалгүй арга хэмжээ авахгүй бол улс орон бүхэлдээ дампуурах нөхцөл байдал бодитоор бий болоод байна. Эдийн засгаа эрчимжүүлэх шаардлага бий ч, ямар нэгэн бодит шийдвэр, бодлого танилцуулалгүй өнөөдрийг хүрлээ. Тиймээс эдийн засгийг тэтгэх бодлогын хүрээнд Монгол Улсын иргэн бүрт 1,242,721  төгрөгийг дөрөвдүгээр сарын эхний долоо хоногт багтаан нэн яаралтай олгохыг шаардаж байна гэжээ.

Мөн тэрээр: Энэ бол популизм биш. Энэ бол онцгой нөхцөл байдалд зайлшгүй авч хэрэгжүүлэх арга хэмжээ. Энэ чигээрээ дахин арав хоноход энэ улсын эдийн засаг сүйрэх нь. Domino effect гэж ярьдаг. Бэлэн мөнгө тараах арга хэмжээ авахгүй бол Монгол улсын эдийн засаг унаж, сэргээх гэж багадаа 4-5 жил алдах болно гэв.

  • Шинэ
  • Их уншсан